Пневмонияларнинг диагностик мезонлари: 1. Касалликнинг бошланишидаги иситма мавжудлиги (ҳарорат > 380 С). 2. Балғамли йўтал мавжудлиги. 3. Физикал ўзгаришлар (ўпка товушининг ўзгариши, дағал нафас, бронхиал нафас, везикуляр нафаснинг ўзгариши, крепитация ёки майда пуфакчали нам хириллашлар) мавжудлиги. 4. Лейкоцитоз (L> 10 х 10 9 г/л ва лейкоформуланинг чапга силжиши). Ташхис юқоридаги белгилардан камида иккитаси + рентгенда ўчоқли инфильтратив ўзгаришлар топилганда қўйилади. Рентгенологик ўпкада ўчоқли инфильтратларнинг йўқлиги ташхисни аниқ эмас, (етарли эмас) деб асосланади ва бунда ташхис эпидемиологик анамнез ва клиник белгилари мавжудлигига қараб қўйилади.
Бронхиал астманинг диагностик мезонлари: 1.Нафас чиқаришнинг қийинлиги билан кечувчи бўғилиш хуружи ва у ўпкада қуруқ ҳуштаксимон хириллашлар (ҳатто бу хириллашлар масофадан ҳам эшитилади) билан кечиши; 2.Бронхиал астманинг хуружига эквивалент равишда тунда хуружсимон йўтал, у беморнинг уйқусини бузади, нафас чиқаришнинг қийинлиги ёки кўкрак қафасида сиқилиш ҳисси, ҳансираш ва ҳуштаксимон хириллашларнинг йилнинг маълум пайтида маълум бир антигенлар билан тўқнашилганда ёки физик зўриқишдан сўнг безовта қилиши; 3.Ташқи нафас функцияси кўрсаткичлари (НЧҲ, Тиффно индекси, нафас чиқариш ҳажмининг максимал нуқтаси ва ҳ,) натижаларига кўра нафас етишмовчилигининг обструктив типини аниқлаш; 4. Ташқи нафас функцияси кўрсаткичларининг бронходилататорлар қабул қилгандан сўнг ошиши ва нафас чиқаришнинг енгиллашуви; 5.Ҳавода бронхиал астманинг биологик маркери- азот оксиди (NO) нинг кўплиги.
Бронхиал астманинг клиник вариантлари патогенетик шаклларининг диагностик мезонлари : БА нинг диагностикасида қуйидагилар муҳим роль ўйнайди 1. Тўлиқ йиғилган анамнез : Бўғилиш хуружига нималар олиб келган ? : - ноинфекцион аллергенлар ( чанг, маиший, касбий, озиқ-овқат, дорилар аллергенлари билан тўқнашиш БА нинг атопик шакли ; - нафас аъзоларининг инфекцион табиатли яллиғланиши касалликлари-инфекцияга қарам тури; - гормонлар дозасини камайтириш бемор аҳволининг ёмонлашувига олиб келиши - гормонал қарам шакли ; -менструал цикл билан аҳволнинг ёмонлашувининг боғлиқлиги – дизовариал шакли - оилада ва ишда турли кўнгилсизликлар, стресслар билан боғлиқлиги – нерв – психик шакли ; -физик зўриқиш, совуқ ҳаводан нафас олиш билан боғлиқлиги ; -аспирин ва бошқа НЯҚПларни қабул қилиш " аспиринли астма ” га хос. 2.Ирсий мойилликнинг мавжудлиги. 3.Инструментал текширувлар : рентгенологик ва ТНФ, ЭКГамма ва бошқаларнинг натижалари. 4. Лаборатор текширувлар : умумий ва специфик иммуноглобулинни аниқлаш ; аллергенлар билан синамалар ўтказиш ; балғам, қон таҳлили ; аллергенлар билан синамалар ўтказиш ; 11 ОКС ва 17 ОКСНларни қон ва сийдикда аниқлаш ; замбуруғли антиген билан ўтказилган тери синамасининг мусбатлиги, иммунологик текширувлар ( антитело титри ортиши ), қон плазмасида ( иммун комплекслар топилиши ).
СИСТЕМАЛИ ҚИЗИЛ ЮГУРДАКНИНГ ҚАЙТА КЎРИЛГАН ДИАГНОСТИК МЕЗОНЛАРИ: (А Р А, 1982 й)
1.Юз ёноқларида тошмалар; 2.Дискоидсимон тошмалар; 3.Фотосенсибилизация; 4.Оғиз бўшлиғининг яралари; 5.Артрит; 6.Серозит; 7.Буйракка алоқадор ўзгаришлар (турғун протенурия 0,5 г дан ортиқ суткасига, ёки цилиндрурия, эритроцитурия бўлиши, эҳтимоллиги); 8.Неврологик ўзгаришлар (калтирашлар, тутқаноқ ёки психозлар); 9.Гематологик ўзгаришлар (гемолитик анемия, ретикулоцитозли ёки лейкопения <4 мингдан кам, аммо, 2 мингдан кам эмас ёки тромбоцитопения; 100 мингдан кам эмас.) 10. Иммунологик ўзгаришлар:LE таначаларнинг мусбатлиги, ёки натив ДНК га нисбатан АТ титрининг ёки СмитАГ га нисбатан АТ титрининг ошиши ёки захмга нисбатан сохта мусбат реакция бўлиши; 11.Иммунофлюросенция орқали АнАт титрининг ошиши. 4та мезоннинг мавжудлиги СКЮ ташхисига асос бўла олади.
ДЕРМАТОМИОЗИТНИНГ ДИАГНОСТИК МЕЗОНЛАРИ: А:АСОСИЙ: 1.Терига хос ўзгаришлар; тананинг очиқ қисмларида баъзида параорбитал шиш ва эритема; 2.Мушаклар зарарланиши (проксимал қисмларда); 3.Биопсияда мушакларда топиладиган патоморфологик ўзгаришлар (дегенарация) некроз, базофил, яллиғланиш инфильтрацияси, фиброз; 4.Зардобда ферментлар активлигининг ортиши: КФК, альдолаза, трансаминазаларнинг 50% ва ундан ортиқ бўлиши; 5.Электромиографик текширувда ўзига хос ўзгаришлар. Б.ҚЎШИМЧА: 1.Кальциноз; 2.Дисфагия. Диагноз (ташхис) асосланади: 3 та асосий мезон ва тошмалар бўлганда, 2 та асосий + 2 та қўшимча мезонлар ва тошмалар бўлганда.
ТУГУНЧАЛИ ПЕРИАРТЕРИИТНИНГ ДИАГНОСТИК МЕЗОНЛАРИ : (Е.М. СЕМЕНКОВА 1988 Й.). «Катта мезонлар»:. 1. Буйрак зарарланиши; 2. Коронариит; 3. Абдоминал синдром; 4. Полиневри;. 5. Бронхиал астма эозинофилия билан. «Кичик мезонлар»: 1. Иситма; 2. Тана массасини камайиши; 3. Миалгик синдром. Ташхис 3 та катта ва 2 та кичик мезонлар аниқланганда тасдиқланади.
НОСПЕЦИФИК АОРТОАРТЕРИИТНИНГ ДИАГНОСТИК МЕЗОНЛАРИ: (Aprend ва бошқалар 1990 й) 1.Касалликнинг 40 ёшгача бошланиши; 2. "Ўрин алмашинуви чўлоқлик” синдроми (оёқ мушакларида харакатланиш вақтида бўшашиш ва оғриқ.); 3.Бир ёки икки томондаги елка артериясида пульснинг сусайиши; 4.Елка артерияларида А/Б нинг 10мм сим.уст.га фарқ қилиши; 5.Ўмров ости артерияларида ёки қорин аортасида шовқиннинг мавжудлиги; 6.Ангиографиядаги ўзгаришлар: аортанинг торайиши ёки окклюзияси ва унинг қўл ва оёқларнинг проксизмал қисми йирик шохчаларининг торайиши ёки окклюзияси. (атеросклероз ва фибромускулляр дисплазияга боғлиқ бўлмаган холда). 3 та ва ундан кўп мезонлар мавжуд бўлганда НАА ташхиси қўйилади.
БАЪЗИ ВАСКУЛИТЛАРНИНГ ДИАГНОСТИК МЕЗОНЛАРИ: Вегенер гранулёматозининг ташхис мезонлари. 1. Бурун ва оғиз бўшлиғи шиллиқ пардаси яллиғланиши натижасида яралар ва йирингли ёки қонли ажралмалар ажралиши; 2. Ўпка рентгенологик текширувида тугунлар, инфильтрат ёки бўшлиқлар аникланиши; 3. Сийдик таҳлилида – микрогематурия; 4. Биопсия текширувида - артерия ёки периартериал соҳада грнулематоз яллиғланиш хослиги
Рейтер касаллигининг диагностик мезонлари: 1.Сийдик-таносил ва ичак инфекциялари, артритлар билан хронологик боғлиқлик; (уретроокуло-синовиал синдром) 2.Ёшларда учраши; 3.Ўткир ассимметрик артрит (тизза, оёқ кафти бармоқлари, тендопатия ва товон бурситлари билан); 4.Сийдик-таносил органлари яллиғланиши белгилари. Эпителий суртмаларида хламидийларнинг (80-90%) топилиши. Артрит агар қон зардобида хламидийли антителолар титри 1:32 ва ундан ортиқ бўлса, хламидийли дейлади.
БЕХТЕРЕВ КАСАЛЛИГИНИНГ ДИАГНОСТИК МЕЗОНЛАРИ: (Нью-йорк 1984 й.) 1.Анамнезида бел соҳасида яллиғланиш жараёни бўлиши, 2.40 ёшдан кичик бўлиши ва оғриқларнинг 3ой давом этиши, тинч ҳолатда оғриқ кучайиши ва физик зўриқишда ўтиб кетиши; 3. Умуртқа поғонасининг бел соҳасида ҳаракатнинг чекланиши; 4.Кўкрак қафасида ҳаракатнинг чекланиши (нафас олишда ва чиқариш масофаси фарқи 2,5см дан кам бўлиши.). Рентгенологик мезонлар: Икки томонлама сакроиелит I-IVдаражали. Бир томонлама сакроиелит II-IV даражали. Ташхис бир ёки иккита рентгенологик белги топилганда, ҳақиқий ҳисобланади.
Подагранинг диагностик мезонлари: (Рим 1963 йил) 1.Қонда сийдик кислотасининг эркакларда 0,42 ммоль/л дан >, аёлларда 0,36 ммоль/л дан > бўлиши; 2.Тофуслар мавжудлиги; 3.Сийдик кислотаси кристалларининг синовиал суюқликда бўлиши ва тўқималарга ўтириб қолиши; 4.Зарарланган бўғимлар тўғрисида аниқ анамнестик маълумотлар бўлиши. Ташхис 2 та мезон мусбат бўлганда асосланади.
Подагранинг диагностик мезонлари: Америкалик ревматологлар ассоциацияси - уюшмаси (АРА буйича) I.Урат кристаллари бўғим суюқлигида мавжудлиги; II.Тофуслар мавжудлиги; III.Қуйидаги 12 та белгидан 6 таси мавжуд бўлганда: 1. Анамнезида бир мартадан кўп ўткир артрит хуружи бўлганлиги; 2. 1-суткадаёқ бўғимларнинг кўп ифодаланган яллиғланиши; 3. Артритнинг моноартрикуляр характерлиги; 4. Ифодаланган бўғим усти териси гиперемияси; 5. I плюснефаланг бўғими шиши ёки оғриши; 6.Оёқ кафти бўғимларининг бир томонлама зарарланиши; 7. Тофусларни эслатувчи тугунлар; 8. Гиперурикемия; 9. 1-плюснфаланг бўғимининг бир томонлама зарарланиши; 10. Зарарланган бўғимлар ассиметрик шиши; 11. Рентгенда эрозиясиз субкортикал кисталар мавжудлиги; 12. Бўғим суюқлигида флоранинг йўқлиги.
